Ipinagmalaki ng Philippine Air Force ang pagkakabilang ng apat nilang babaeng opisyal sa mga pararangalan ng Outstanding Women in Law Enforcement and National Security (OWLENS) Award para sa taong ito.
Ang apat na PAF awardee ay iprinesenta kamakalawa sa Quezon City Sports Complex, kung saan din isasagawa ang pormal na awarding ceremony sa Marso 21.
Sila ay sina: Col. Ann Marie T. Gerodiaz PAF (GSC), LTC. Cynthia Forteza-Guinto PAF, Maj. Aileen S. Zara PAF, at 1Lt. Lei Vanette D. Alangui PAF.
Ang OWLENS Award, ay kumikilala sa mga natatanging babae na nagpamalas ng dedikasyon, propesyonalismo, at commitment sa paghahatid ng mahusay na serbisyo sa pagtataguyod ng batas at pambansang seguridad.
Ito’y proyekto ng Republic Defenders, isang volunteer organization na sumusuporta sa mga programa at proyekto ng gobyerno. | ulat ni Leo Sarne
📷: PAF
