Kinumpirma ng Office of the House Secretary General na naipadala na ng Kamara sa Senado ang kopya ng inaprubahan nitong Resolution of Both Houses No. 7 o panukalang economic charter change nitong Huwebes, March 21.
Ayon kay Deputy Majority Leader Jude Acidre, ngayong tapos na ng Kamara ang RBH7 ay umaasa silang susuklian din ito ng Senado ng pagpapatibay sa kanilang RBH 6 lalo at mismong ang Senate President, Senate President Pro-Tempore, Senate Majority Leader at chairman ng sub-committee ang pangunahing may-akda nito.
Sinabi rin ni Acidre na payo sa kanila ng House Speaker Martin Romualdez ay bigyang ng sapat na panahon ang Senado na tapusin ang kanilang RBH6 bilang suporta sa Pangulo.
Ngunit paalala ng Tingog party-list representative na limitado na lang din ang oras.
Pagbalik kasi aniya nila sa April 29 ay mayroon na lang 12 session days ang Senado para pagtibayin ang economic chacha bago ang sine die adjournment sa May 25.
“The guidance from the Speaker is to give as much time that the Senate requires in support of the President. However, we have to understand there is a limited time frame to do this. As many of us actually know, the elections are coming, and we already cited that the most favorable time is for this to be passed before the Congress adjourns sine die. So those are the things that we’re looking at, the deadlines, hindi naman namin pwedeng tawagin we imposed on the Senate, but this is a reasonable time frame for them. If the Senate means has what they said, then they will have to pass it before the sine die because that’s the time frame that makes it logical and makes it possible, feasible to have the plebiscite done either before or however it goes the 2025 elections.” Sabi ni Acidre
Dagdag pa nito na ‘self-apparent’ naman ang ‘time line’ para sa panukalang amyenda ng Saligang Batas lalo at Oktubre at magiging abala na sa paghahanda para sa 2025 mid-term elections. | ulat ni Kathleen Jean Forbes
