Arestado ang dalawang mag-ama sa buy bust operation ng pulisya sa Brgy. Immaculate Concepcion, Quezon City.
Narekober sa kanila ang 150 grams ng hinihinalang shabu na may halagang higit โฑ1-million, bulto-bultong boodle money, digital weighing scale, at motorsiklo.
Ayon sa Quezon City Police District (QCPD) Station 10, nagbabagsak umano sila ng iligal na droga sa ilang barangay sa Quezon City kabilang ang Brgy. Immaculate Concepcion at Brgy. Commonwealth pati na rin sa Bacoor, Cavite.
Itinurong source ng iligal na droga ang ama na humahawak sa transaksyon habang ang anak ang tagahatid sa mga parokyano.
Dating nakulong ang ama sa Tacloban City, Leyte dahil sa iligal na droga subalit nakalaya dahil sa ‘plea bargaining.’
Tumangging magsalita ang mag-ama na nahaharap sa kasong paglabag sa Comprehensive Dangerous Drugs Act. | ulat ni Bernard Jaudian Jr.
?: QCPD Station 10
