Mananatiling bukas 24/7 ang operasyon ng EDSA Busway sa panahon ng Semana Santa 2024.
Ito ay ayon sa Department of Transportation (DOTr) upang paghandaan ang inaasahang dagsa ng mga bibiyahe na uuwi sa mga probinsya.
Ayon sa DOTr, ang mga pick-up at drop-off points ng EDSA Busway at mga kaagapay na istasyon ng MRT-3 ay patuloy na magiging accessible para sa lahat ng mga pasahero.
Ang EDSA Busway ay may 21 terminal mula Monumento hanggang PITX.
Para sa ibang katanungan, maaaring makipag-ugnayan sa DOTr Commuter Hotline na 0920-964-3687 para sa impormasyon o kakailanganing tulong tungkol sa kaligtasan ng mga pasahero ngayong Mahal na Araw. | ulat ni Diane Lear
