Inatasan na ni Bureau of Corrections Director General Gregorio Pio P. Catapang Jr. ang lahat ng opisyal nito na nagpapatakbo ng mga prison at penal farm sa buong bansa na tiyaking mayroong maayos na suplay ng tubig ang Persons Deprived of Liberty (PDLs).
Ayon kay Catapang, ito ay para maiwasan ang dehydration o pagkauhaw lalo pa at sobrang init ng panahon.
Paliwanag ni Catapang, ang pag-inom ng maraming tubig ang pinakamagandang panlaban sa napakainit na panahon.
Kasabay nito ay inatasan din ng Heneral si CT/SSupt. Ma. Cecilia Villanueva, Acting Director for Health and Welfare Services ng NBP Hospital na laging pasadahan at i-check ang estado ng mga PDL.
Paliwanag ni Catapang, dahil sa siksikang mga pasilidad ng BuCor ay nagdurusa ang mga PDL dahilan kaya nais niyang masiguro ang kalagayan ng mga ito. | ulat ni Lorenz Tanjoco