Pinangunahan ni Armed Forces of the Philippines (AFP) Chief of Staff General Romeo Brawner Jr. ang ika-24 na regular na pagpupulong ng AFP Multi-Sector Governance Council (MSGC) sa Camp Aguinaldo kahapon.
Kasama ni Gen. Brawner na nag-preside sa pagpupulong si MSGC Chairperson Francisco Del Rosario Jr.
Layon ng pagpupulong na isulong ang transparency at accountability sa militar sa pamamagitan ng pagkuha ng pananaw ng sibilyang sektor kaugnay ng “Transformation Roadmap” ng AFP.
Ayon kay General Brawner, mahalaga na may panlabas na grupo na tumutulong sa AFP, upang makapagbigay ng bagong pananaw sa mga tradisyunal na solusyon sa mga problema na ipinapatupad ng AFP.
Nagpahayag ng kumpiyansa sa Gen. Brawner na sa pamamagitan ng ganitong sistema ay makakamit ng AFP ang mga “objective” ng kanilang Transformation Roadmap. | ulat ni Leo Sarne
📷: PFC Carmelotes/PAOAFP