Welcome sa Philippine Chamber of Commerce and Industry (PCCI) ang pagpapatuloy sa negosasyon ng Free Trade Agreement (FTA) sa pagitan ng Pilipinas at European Union.
Layon ng naturang negosasyon na pataasin ang market access at patatagin ang economic ties ng Pilipinas at mga bansa sa Europa na siyang magbubukas ng maraming oportunidad sa pamumuhunan.
Ayon kay PCCI President Eunina Mangio, umaasa ang business community na magpapatuloy na ang usapin sa intellectual property, human rights and environmental standards issues na siyang magbibigay daan para maisakatuparan ang kasunduan.
Ayon kay Mangio, isa sa nakikitang makikinabang sa FTA ay ang services sector ng bansa gaya ng BPO, Knowledge Power Outsourcing (KPO), agriculture, technology, at digital commerce.
Ang European Union ang ika-limang pinakamalaking trading partner ng Pilipinas at ika-anim sa pinakamalaking export market at import source ng bansa. | ulat ni Melany Valdoz-Reyes