Paiikliin muna pagdating ng Lunes, Abril 8, ang mga schedule ng klase sa mga paaralan sa lungsod ng Makati resulta pa rin ng matinding init ng panahon.
Para sa morning shift, magiging mula 6:00 hanggang 10:00 ng umaga muna ang schedule ng mga mag-aaral habang 3:30 ng hapon hanggang 7:30 ng gabi ang klase ng mga nasa afternoon shifts.
Pinaalalahan naman ng lungsod ang mga magulang na masigasig na bantayan at isumite sa tamang oras ang activities ng kanilang mga anak sa araw-araw.
Pinayuhan din ang lahat na magsuot ng komportable at ligh-colored na damit damit sa klase kabilang na rin ang pagdadala ng tumbler at pag-inom ng maraming tubig upang hindi ma-dehydrate.
Ngayong araw inaasahan na papalo ang heat index sa Metro Manila mula 40 hanggang 41 degrees celsius ayon sa forecast ng PAGASA.| ulat ni EJ Lazaro
