Kumpiyansa ang Department ot Agriculture na hindi na sisipa ng malaki ang presyo ng bigas sa merkado.
Ito sa kabila ng nananatiling mataas na rice inflation sa bansa batay na rin sa Philippine Statistics Authority.
Ayon kay DA Spokesperson Asec. Arnel de Mesa, mababa talaga ang pinanggalingang presyo o baseline noong nakaraang taon kaya lumalabas na mataas ang rice inflation hanggang nitong Pebrero.
Tinukoy rin nito ang ilang external factors na patuloy na nakakaapekto sa rice industry ng bansa.
Gayunman, wala umanong dapat ikabahala ang publiko dahil patuloy ang pagsisikap ng DA para manatiling stable ang presyuhan ng bigas.
Kabilang na rito ang pagpapalakas sa lokal na produksyon ng bigas na siya umanong maghahatak sa mas mababang presyo nito sa pamilihan. | ulat ni Merry Ann Bastasa