Hinimok ni Vice President at Education Sec. Sara Duterte ang mga kabataan na pag-aralan ang kabutihan ng pamumuhunan.
Ito ang tinuran ng Pangalawang Pangulo nang maging panauhing pandangal ito sa isinagawang Youthpreneur sa Rizal Highschool sa Pasig City ngayong umaga.
Sa kaniyang talumpati, sinabi ni VP Sara na ngayong may sapat nang kaalaman ang mga mag-aaral partikular na sa Grade 12 at Senior High School, panahon upang sila’y maging kapaki-pakinabang na mamamayan ng bansa.
Kabilang din sa dumalo si Go Negosyo Founding Chairman Joey Concepcion na nagsabing dapat maging praktikal ngayon ang mga kabataan.
Kasunod nito, binigyang diin ni VP Sara na may kabutihang dulot ang pagiging bukas ng mga kabataan sa pagnenegosyo dahil makatutulong ito sa pagtataguyod ng kanilang matatag na kinabukasan. | ulat ni Jaymark Dagala