Patuloy ang pagdami ng mga bansang sumusuporta sa Pilipinas sa gitna ng agresibong pagkilos ng China sa West Philippine Sea (WPS).
Pinakahuli dito ang Lithuania, na nagpahayag ng suporta sa karapatan ng Pilipinas sa ilalim ng International Law.
Ito’y sa pagbisita ni H.E. Ricardas Slepavicius, ang Non-Resident Ambassador of Lithuania to the Philippines, at Mr. Vilijus Samuila, ang Lithuanian Minister Counsellor, sa Department of National Defense (DND) kahapon.
Dito’y nakapulong nila si Undersecretary of National Defense Irineo C. Espino, kasama si Undersecretary for Strategic Assessment and Planning Ignacio B. Madriaga, at Assistant Secretary for Strategic Assessments and International Affairs Marita I. Yoro.
Kapwa inaasahan ng magkabilang panig ang pagpapalawak ng kooperasyong pandepensa ng Pilipinas at Lithuania, partikular sa larangan ng military training, cyber security, energy security, defense technology, research and development, at countering hybrid threats. | ulat ni Leo Sarne
