Mariing kinondena ni House Committee on National Defense chair Raul Tupas ang pinakahuling insidente ng panggigipit ng China sa Pilipinas nang banggain at i-water cannon ng Chinese Coast Guard ang barko ng Philippine Coast Guard sa Bajo de Masinloc.
Ayon kay Tupas, tahasan itong paglabag sa UNCLOS at iba pang international law at lalo lang nagpapalala sa tensyon sa West Philippine Sea.
Dagdag pa ng mambabatas na ang pagiging agresibo ng China, na paglabag sa soberanya at karapatan ng ibang bansa ay napakalayo sa layunin ng ginagawang Balikatan Exercise.
Ito’y matapos sabihin ng China na pinapainit lang ng Balikatan Exercise ang tensyon sa rehiyon.
Giit ni Tupas na kumpara sa ginagawa ng China ay kabaliktaran ang pinakalayunin ng Balikatan.
At ito ay isulong ang regional stability, mutual defense cooperation at pagkilala sa international law.
“The Balikatan Exercises have a clear and longstanding objective which is to strengthen military cooperation and readiness between the Philippines and the United States. The goal of Balikatan is not specifically to deter China’s harassment in the West Philippine Sea, but to build a robust framework for defense and security,” giit ni Tupas.
Welcome naman para sa kongresista ang kauna-unahang multilateral marine exercise sa pagitan ng ating bansa, Australia at France.
Naniniwala kais si Tupas na mahalagang ipagpatuloy at palakasin ang ating maritime laws, military capability at paigtingin ang relasyon sa mga kaalyadong bansa. | ulat ni Kathleen Jean Forbes