Tatanggap na ng aplikasyon ang Civil Service Commission (CSC) para sa Career Service Examination Pen and Paper Test na gaganapin sa darating na Agosto 11, 2024.
Sa abiso ng CSC, bubuksan na ang application period sa mga aspiring civil servants mula Mayo 13 hanggang Hunyo 13, ngayong taon.
Ang aplikasyon sa pagsusulit para sa professional at sub-professional levels ay “first come, first served” basis at maaaring isara anumang oras bago ang deadline.
Ipapatupad ito kapag naabot na ng CSC Regional o Field Offices ang target number ng applicants.
Maaaring mag-file ang applicants sa pamamagitan ng CSC Online Civil Service Examination Application System (OCSEAS) o di kaya ay personal appearance. | ulat ni Rey Ferrer
