Hinikayat ng Department of Labor and Employment (DOLE) sa CAMANAVA ang mga naghahanap ng trabaho na maghanda na ng maraming resume dahil magkakaroon din ito ng malawakang job fair kasabay ng selebrasyon ng Labor Day sa May 1.
Sa abiso ng DOLE NCR, libu libong job vacancies ang bubuksan nito sa job fair na gaganapin sa Level 5, SM City Grand Central, Caloocan City., simula 10:00 a.m.
Kabilang sa mga lalahok na employer ay mula sa BPO, manufacturing, financial at insurance activities, manpower services, at sales and marketing.
Pinapayuhan ang mga interesadong jobseekers na magrehistro online sa pamamahitan ng link: https://forms.gle/8Gz6Lzm96bWEgrJcA. | ulat ni Merry Ann Bastasa
