Sinimulan na ngayong araw ng Civil Service Commission (CSC) sa National Capital Region (NCR) Field Office ang pagtanggap ng mga aplikasyon para sa susunod na Career Service Exam Pen and Paper Text na nakaiskedyul sa buwan ng Agosto.
Sa inilabas nitong abiso, sa ngayon ay tanging sa CSC-NCR Field Office lamang maaaring magsumite ng aplikasyon.
Bukas ang tanggapan nito mula alas-8 ng umaga hanggang alas-3 ng hapon mula Lunes hanggang Biyernes.
Tatagal ng isang buwan ang aplikasyon para sa susunod na pagsusulit o hanggang sa June 13, 2024. | ulat ni Merry Ann Bastasa
