Ibinida ni Department of Social Welfare and Development (DSWD) Secretary Rex Gatchalian ang mahalagang papel ng bawat social workers sa paghahatid ng social protection sa bansa.
Inihayag ito ng Kalihim sa ginanap na 27th National Social Welfare and Development Forum and General Assembly sa Iloilo Convention Center, Mandurriao District na nilahukan ng 2,000 social welfare and development officers (LSWDOs) at social workers sa bansa.
“If there is a most noble profession, I personally believe that it is always the registered social workers,” ani Secretary Gatchalian.
Inihalimbawa ng Kalihim ang COVID-19 situation kung saan makikita ang hindi matatawarang dedikasyon ng social workers upang matiyak ang paghahatid ng serbisyo sa mga nangangailangan.
Tiniyak naman ng Kalihim ang patuloy na suporta sa mga social workers sa pamamagitan ng pagpapaangat sa kanilang mga kakayahan at kapasidad.
Kabilang dito ang DSWD Academy na isang training camp na nagbibigay ng mga training courses kabilang ang social welfare and development, at community development.
“Moving forward, we define our current role into two things. One, capacitate. And two, to make sure that we come up with an environment that will enable you to make your jobs easier.” | ulat ni Merry Ann Bastasa
📷: DSWD