Inilahad ni Pangulong Ferdinand R. Marcos Jr. ang ilan sa nais nitong mangyari sa Region 10 sa gitna ng kagustuhang maging ‘globally competitive’ ang rehiyon.
Sa naging mensahe ng Pangulo sa pamamahagi ng tulong sa Iligan City, inihayag nito na gusto niyang maging ‘agricultural hub’ ang Northern Mindanao.
Bukod dito ay gusto rin ng Presidente na manguna sa industrial tourism at maging sentro ng kalakalan ang Region 10.
Sa ngayon ayon kay Pangulong Marcos Jr. ay nailatag na ng National Economic Development Authority ang mga istratehiya at proyekto na gagawin sa rehiyon sa ilalim ng Northern Mindanao Regional Development Plan ng 2023- 2028.
Naririyan din aniya ang expansion, rehabilitation at development sa mga paliparan sa Ozamis, Camiguin, Lumbia, Bukidnon at Laguindingan. | ulat ni Alvin Baltazar