Suportado ng House members ang bilateral cooperation ng Pilipinas at Estados Unidos na isulong ang kooperasyon sa space technology na makaktulong sa maritime domain surveillance.
Sa daily press conference sa Kamara, sinabi ni Davao Representative Cheeno Almario ang teknolohiyang satellite imagery ay malaking tulong sa pagbabantay sa mga teritoryo ng bansa sa West Philippine Sea.
Ayon kay Almario, sa naturang programa mas madali na ang pagbabantay sa territorial waters at matitiyak ang kaligtasan ng mga marino nang hindi gumagastos ng malaki.
Naniniwala ang mambabatas na hindi ito lilikha ng conflict partikular sa China dahil ang paggamit ng satellite imagery ay malawak nang ginagamit sa ngayon gaya ng google maps.
Binigyang halaga din ni Lanao Del Norte Rep. Mohamad Khalid Dimaporo anumang tulong ng US sa Pilipinas pagdating sa teknolohiya ay higit na pakikinabanang ng bansa gaya na lamang aniya sa nangyari noong Marawi Siege.
Sa panig naman ni 1-Rider party-list Rep. Rodge Gutierrez ito ay isang welcome development at hindi ito makadadagdag ng tensyon sa pagitan ng Pilipinas at China. | ulat ni Melany Valdoz-Reyes