May paggalaw sa presyo ng ilang kadalasang isinasahog sa luto sa Mega Q-Mart sa Quezon City.
Kasama sa may taas-presyo ngayon ang luya na mula sa ₱170 ang kada kilo noong nakaraang linggo, ay nasa ₱200 na ang bentahan ngayon.
Tumaas rin ng ₱5 ang retail price ng kamatis na nasa ₱40 ang kada kilo ngayon, mula sa ₱35 noong nakaraang linggo, at ang sibuyas na nagkakahalaga ngayon ng ₱75 ang kada kilo mula sa ₱70 noong nakaraang linggo.
Malaki rin ang itinaas sa presyo ng Baguio beans na mula sa ₱130 noong nakaraang linggo, ay nasa ₱160 na ang bentahan ngayon.
Bukod dito, nananatiling matatag ang presyuhan ng ilang gulay sa Mega Q-Mart:
Repolyo – ₱50
Pechay – ₱55
Carrots – ₱80
Patatas – ₱80
Cauliflower – ₱80
Broccoli – ₱70
Labanos – ₱100
Leeks – ₱100
Patola – ₱45
Talong – ₱70
Ampalaya – ₱85
| ulat ni Merry Ann Bastasa
