Tutungo si Pangulong Ferdinand R. Marcos Jr. sa Brunei sa May 28 at 29, para sa kauna-unahang state visit ng Pangulo, kasabay ng selebrasyon ng ika-40 taong Balikatan ng Brunei at Pilipinas.
Sa press briefing sa Malacañang, sinabi DFA Spokesperson Tess Daza na sa pagbisitang ito, makakapulong ng Pangulo si Sultan Hassanal Bolkiah.
Isinasapinal na lamang aniya ang mga kasunduang malalagdaan sa pagitan ng dalawang bansa.
Bukod dito, sa pagbisitang ito, personal na kakamustahin ni Pangulong Marcos ang Filipino community sa Brunei, kung saan ilalatag ng Pangulo ang mga repormang ginagawa ng administrasyon para sa pagpapabuti ng kalagayan ng OFWs.
Magkakaroon din ng pulong ang Pangulo kasama ang business leaders sa Brunei, kung saan inaasahan na muling ibibida ni Pangulong Marcos ang magandang business climate ng Pilipinas, habang hinihikayat ang mga ito na mamuhunan sa bansa.
Narito ang naging pahayag ni Ambassador Daza:
“There will be business forum where the President will meet with top members of the business sector to promote trade and investment relations between the Philippines and Brunei Darussalam.” — Spox Daza.
Mula Brunei, tutungo si Pangulong Marcos sa Singapore, para sa ika-21 International Institute for Strategic Studies (IISS) dialogue.
“When you have a forum such as this, it gives a good platform for a country to actually expound and articulate its position on key issues. So, it will be an important platform for us to actually also convey our positions relative to what is happening within the region and how, and what we are advocating for. So, it’s something that is useful not only for those who are attending but also for the country who’s actually participating in this international fora.” — Spox Daza.
Magandang pagkakataon ito upang isulong ang posisyon ng Pilipinas sa mga usaping panseguridad at depensa sa rehiyon, na dadaluhan ng higit 40 bansa.
“The dialogue will provide a good platform for defense ministers, military chiefs, government officials, and security experts around the world to discuss and address regional and global security challenges.” — Spox Daza.
Sa working visit na ito magkakaroon din ng pagkakataon ang Pangulo na makipagpulong sa presidente at prime minister ng Singapore na kakapanumpa lamang sa pwesto noong nakaraang linggo (May 15).
“The President, likewise, will have a brief meeting with former prime minister and currently Senior Minister Lee Hsien Loong on the sidelines of the Shangri-La Dialogue.” — Spox Daza. | ulat ni Racquel Bayan