Agad rumesponde ang mga tauhan ng Metropolitan Manila Development Auhority (MMDA) para alisin ang mga sasakyang sangkot sa dalawang magkahiwalay na aksidente sa EDSA-Guadalupe kaninang umaga.
Una rito ang pagsampa ng isang kotse sa center island ng EDSA- Guadalupe kaninang pasado alas-4 ng umaga.
Ayon sa driver ng kotse, napalakas ang kaniyang pagkabig dahil may iniwasan siyang isa pang sasakyan, dahilan ng kaniyang pagsampa sa center island.
Pasado alas-6 naman nang isang dump truck ang bumangga sa concrete barrier ng EDSA Carousel sa ilalim ng MRT-Guadalupe Station.
Kapwa nagdulot ng mabigat na daloy ng trapiko ang naturang mga aksidente subalit naalis din kalaunan ang mga sasakyang sangkot, ilang oras matapos mangyari ang mga aksidente. | ulat ni Jaymark Dagala
