Kung sa ibang lugar ay hindi pinapayagang magmartsa ang mga miyembro ng LGBTQIA+ community, ang Quezon City Local Government, may handog pang espesyal na graduation ceremony.
Ayon sa LGU, ito ay para ipagdiwang ang karapatan ng mga mag-aaral na malayang magtapos at mag-martsa na ayon sa kanilang sariling presentasyon.
Idadaos ito sa darating na June 22, 2024, na tinawag na “Graduation Rights: March with Pride in QC.”
Bukas ang programang ito sa mga:
• Miyembro ng LGBTQIA+ Community
• 18 anyos pataas
• Residente ng Quezon City o kung hindi man, nagtapos sa paaralan na matatagpuan sa Quezon City
• Hindi nakapagmartsa base sa kanilang kasarian at nais na self-expression noong sila ay Senior High School o College
Kailangan lamang na magrehistro sa link na mila sa LGU: bit.ly/GraduationRightsRegistration.
Bukas ang registration hanggang June 7, 2024 lamang. | ulat ni Merry Ann Bastasa
