Nasa 15 dating rebelde sa Agusan del Norte ang pinakahuling nadagdag sa bilang ng mga aplikante para sa Amnestiya ng Pangulong Ferdinand R. Marcos Jr.
Ang naturang grupo ang unang mga aplikante na nag-apply para sa amnestiya sa pamamagitan ng Office of the Presidential Adviser for Peace Reconcilation and Unity (OPAPRU) – Local Conflict Transformation – Field Implementation Support Unit (LCT-FISU) sa Mindanao.
Ang mga aplikasyon at case folder ng naturang grupo ay isinumite ni OPAPRU LCT-FISU Mindanao Director Atty. Elisa Evangelista-Lapiña sa National Amnesty Commission (NAC) Local Amnesty Board (LAB) sa Davao City noong Lunes.
Nagpahayag naman ng kasiyahan si Presidential Peace Adviser Secretary Carlito Galvez Jr. sa naturang development, na kanyang tinukoy bilang testamento ng magandang pagtanggap ng mga dating rebelde sa Amnesty Program ng Administrasyong Marcos para makamit ang pangmatagalang kapayapaan. | ulat ni Leo Sarne
📸: OPAPRU
