Dinagsa ng mga aplikante na nais na makakuha ng magandang trabaho ang isinasagawang Independence Mega Jobs Fair ng Department of Migrant Workers (DMW) sa Robinsons Galleria sa Ortigas.
Ayon sa DMW, mahigit 7,000 ang alok na trabaho ng nasa 23 licensed recruitment agencies na kalahok sa naturang job fair.
Kabilang sa mga alok na trabaho ay attendant, baker, barber, barista, carpenter, civil engineer, receptionist, nurse, teacher, waiter, welder, at iba pa.
Ang mga makukuhang aplikante ay maaaring magtrabaho sa Australia, Bahrain, Brunei, Cambodia, Germany, Hungary, Japan, KSA, New Zealand, Quatar, USA at iba pa.
As of 1:26 PM, mahigit 1,000 na ang mga aplikanteng lumahok sa Mega Jobs Fair at ilan sa kanila ay mga bagong graduate, at ang iba naman ay naghahanap ng mas magandang oportunidad sa ibang bansa.
Hinikayat naman ng DMW ang mga Pilipinong may planong magtrabo sa ibang bansa na samantalahin ang jobs fair ng ahensya. | ulat ni Diane Lear
