Tuloy-tuloy ang pagpapalawak ng Social Security System sa programa nitong KaSSSangga Collect Program na layong bigyan ng sapat na social security coverage ang mga Job Order, at mga manggagawang Contract of Service.
Maging ang pamahalaang panlalawigan ng Batanes, nakipagtulungan na rin sa SSS kasunod ng paglagda nina SSS President and Chief Executive Officer Rolando Ledesma Macasaet at Batanes Governor Marilou Cayco sa isang Memorandum of Agreement para sa pagpapatupad ng KaSSSangga Program.
Sa ilalim nito, magiging miyembro na ng SSS ang mga job order at contractual employees ng pamahalaang panlalawigan. Katumbas ito ng pagiging kwalipikado na rin ng mga naturang kawani sa mga benepisyo at loan programs ng SSS.
Ayon sa SSS, nasa 2,000 JO workers ng Provincial Government of Batanes ang makikinabang sa naturang programa. | ulat ni Merry Ann Bastasa
