Inabisuhan na ng Pamahalaang Lungsod ng Makati ang mga residente nito na magkakaroon ng power interruption sa ilang lugar sa kanilang lungsod.
Base sa inilabas na abiso ng Makati LGU, magkakaroon ng brownout sa Brgy. Pio del Pilar ngayong araw at bukas.
Inaasahan ang pagkawala ng kuryente bandang 11:00 PM mamaya at posibleng tumagal hanggang bukas ng 4:00 AM sa mga susmusunod na lugar:
- Bahagi ng Dela Rosa St., mula Chino Roces Ave. hanggang sa Wilson St.
- Bahagi ng Santillan St. Malapit sa Dela Rosa St.
Makakaranas din ng power interruption sa Sabado June 15, 2024 ang Brgy. Poblacion. Ito ay inaasahang mangyayari sa pagitan ng 9:00 AM at 2:00 PM.
Partikular na tatamaan ng nasabing brownout ang ilang bahagi ng Gen. Luna St. mula Burgos St. kabilang ang Fermina, Don Pedro, Escuela, Cayco, Manalac, Enriquez, at Pagulayan St.
Gayundin sa mga sumusunod na establisyimento: 7-Eleven, Oppa Korean Restaurant at Elmar Bldg.
Payo ng pamahalaang lungsod na bumista sa website ng Meralco o sa kanilang Facebook page para sa karagdagang detalye. | ulat ni Lorenz Tanjoco
