Inanunsiyo ng Meralco na magpapatupad sila ng P0.64 kada kilowatt-hour na dagdag singil sa electric bill ngayong buwan ng Hunyo.
Ayon sa Meralco, ang dadag-singil sa kuryente ay dahil sa mas mataas na generation charge at pass-through charges o mga gastos na dumaan lang sa kanila.
Gaya na lamang ng mga binabayad sa mga power generator; feed-in tariff allowance na napupunta sa renewable energy producer at transmission charge.
Pero sinabi naman ng Meralco mababawasan ang bigat ng dagdag-singil, dahil hinati nila sa tatlong buwan ang aktwal na generation charge kung saan ang butal ay sisingilin sa mga buwan ng Hulyo, Agosto, at Setyembre.
Ang dagdag-singil na ito ay katumbas ng P128 para sa mga kumukonsumo ng 200 kilowatt-hour at P320 naman para sa mga kumukonsumo ng 500 kilowatt-hour. | ulat ni Diane Lear
