Pinangunahan nina Unang Ginang Liza Araneta-Marcos at DSWD Secretary Rex Gatchalian kahapon ang pamimigay ng tulong sa mga naapektuhan ng pagputok ng bulkang Kanlaon sa Negros Occidental.
Aabot sa 1,752 pamilya ang tumanggap ng tig-₱10,000 cash assistance para sa kabuuang ₱17.5 million, bukod pa rito ang mga ipinamigay ding food at non-food items.
Ang bigay na tulong ay ginawa sa ilalim ng Assistance to Individuals in Crisis Situation.
Sa kabuuang benepisyaryo,1,500 dito ay mga residente ng La Castellana habang ang iba ay mula sa Bago City. | ulat ni Rey Ferrer