Nakiisa ang Department of Finance (DOF) sa pagdiriwang ng Privacy Awareness Week (PAW) ngayong taon.
Kasama ng DOF sa pagdiriwang ang National Privacy Commission (NPC) para sa selebrasyon ng PAW 2024 na may temang “Data Privacy For All: Embracing Inclusivity and Diversity,” na nagbibigay-diin sa karapatan ng lahat sa privacy ng kanilang data.
Itinatag sa ilalim ng Proclamation No. 527 series of 2018, naging mahalagang taunang pagtitipon ang PAW para sa mga praktisyoner at propesyonal sa data privacy sa buong Pilipinas.
Layunin nito na palalimin pa ang pag-unawa sa data privacy at magbigay ng plataporma para sa mga eksperto upang ibahagi ang mga best practice, teorya, at programa na nagpapalakas ng pagsunod sa data privacy.
Binibigyang-diin ng PAW2024 ang kahalagahan ng karapatan ng lahat pagdating sa usapin ng data privacy. | ulat ni EJ Lazaro