Mahigit sa 300 miyembro ng TiboQC Federation ang inaasahang lalahok sa Pride Festival sa lungsod Quezon sa Sabado, Hunyo 22, 2024.
Kaninang umaga, inilunsad ang TiboQC o Bukluran ng mga Samahang LBQT ng Quezon City kasabay ng pagdiriwang ng Pride Month nitong Lunes sa lungsod.
Ayon kay Anne Lim, lead convener ng TiboQC at Executive Director ng GALANG Philippines, ito ay bilang pagtugon sa under-representation ng lesbians, bisexual women, queer individuals, and transmen (LBQT) sa loob ng mas malawak na LGBTQIA+ community.
Kasabay ng inilunsad na TiboQC sa Quezon City Hall, nanumpa kay Mayor Joy Belmonte ang mga convener ng federation na tagapagtaguyod para sa LGBTQIA+ community. | ulat ni Rey Ferrer
