Nanawagan si Tourism Sec. Christina Frasco sa publiko na suportahan at i-promote ang turismo ng bansa.
Aniya, dapat ipagmalaki ang mayamang kultura, likas na yaman, at ‘warm hospitality’ ng Pilipinas dahilan kaya ito ang tinagurian aniyang ‘destination of love’.
Binigyang diin din ni Frasco ang sama-samang trabaho ng industry leaders at mga manggagawa nito.
Aniya, ipagpapatuloy ng ahensya katuwang ang mga stakeholder, ang trabaho patungo sa isang masigla at sustainable na sektor ng turismo kung saan parehong magbebenepisyo ang ekonomiya ng bansa at ang taumbayan. | ulat ni Lorenz Tanjoco