Nanawagan ang limang commissioner ng National Commission of Senior Citizens sa pagbibitiw sa pwesto ng kanilang chairman na si Franklin Quijano.
Ito’y kaugnay ng inilabas na manifesto na nilagdaan ng mga commissioner na sina Ricardo Rainier Cruz III, Enriqueta Rodeles, Edwin Espejo, Reymar Mansilungan at Mary Jean Lorete.
Inakusahan nila si Quijano ng umano’y grave abuse of authority, gross misconduct, gross negligence of duty, ignorance of the law, at conduct inimical in the interest of the public.
Anila, walang malinaw na programa ang ahensya kaya mali ang pamamahala sa kanilang pondo.
Ayon sa grupo, handa silang iparating sa Malacañang ang usapin at problema ng Komisyon.
Maalalang inimbestigahan ng House Commitee ang umanoy “leadership failure” at mga irregularities ng NCSC sa pamumuno ni Chair Quijano. | ulat ni Melany Valdoz-Reyes
