Muling lilipad patungong Saudi Arabia si Migrant Workers Secretary Hans Leo Cacdac para sa claims ng mga overseas Filipino worker (OFW) mula sa mga naluging construction company sa nasabing bansa.
Nasa 1,500 na OFW ang nakakuha na ng kanilang mga naiwang benepisyo mula sa nagsarang kumpanya.
Ayon kay Secretary Cacdac, tiniyak sa kanya ng pamahalaan ng Saudi na mayroon itong pondo para mabayaran ang unpaid claims ng mga OFW.
Matatandaang nasa 10,000 OFW sa Saudi ang nawalan ng trabaho noong 2015 matapos mabangkarote ang construction companies na kanilang pinapasukan. | ulat ni Diane Lear
