Nagbabala ngayon si Interior and Local Government Secretary Benhur Abalos sa publiko laban sa mga pekeng Facebook pages at account na ginagamit ang kanyang pangalan.
Ayon sa kalihim, may mga pekeng account ang ginagamit ng mga scammer para makapambiktima.
Paalala nito sa publiko, maging mapanuri at huwag magbigay ng mga personal na impormasyon at huwag basta maniwala sa nababasa online.
Ayon pa sa kalihim, iisa lang ang opisyal na Facebook Page nito at official account na Facebook.com/benhur.c.abalos. | ulat ni Merry Ann Bastasa
