Ipagpapatuloy ng Philippine Statistics Authority (PSA) at Department of Social Welfare and Development (DSWD) ang National ID authentication services sa mga benepisyaryo ng Pantawid Pamilyang Pilipino Program (4P) sa Family Development Sessions (FDS).
Ayon kay PSA Undersecretary Claire Dennis Mapa, National Statistician and Civil Registrar General, ito ang napagpasiyahan sa ginanap na pulong ng mga opisyal ng PSA at DSWD.
Dito, sasailalim ang 4Ps beneficiaries sa identity verification sa pamamagitan ng pag-scan ng fingerprint para sa pagtutugma sa National ID registry.
Hanggang Hunyo 14, 2024, aabot na sa 2,00,059 4Ps beneficiaries ang na-authenticate sa pamamagitan ng National ID.
Sa pamamagitan ng mga field office nito, pinalawig ng PSA ang authentication services nito sa FDS na isinagawa sa iba’t ibang bahagi ng bansa, kabilang ang mga malalalyong lugar. | ulat ni Rey Ferrer