Susuyurin ni Pangulong Ferdinand R. Marcos Jr. ang buong lalawigan sa bansa upang palakasin ang hanay ng mga magsasaka bilang katuparan sa pangako ng pamahalaan.
Ito ang naging pahayag ng Pangulo sa kaniyang talumpati sa isinagawang pamamahagi ng titulo ng lupa at suporta sa mga agrarian reform beneficiaries (ARBs) sa rehiyon ng Northern Mindanao nitong Biyernes, Hulyo 5, sa Mindanao Civic Center (MCC) Gymnasium, Tubod, sa lalawigan ng Lanao del Norte.
Ayon sa Pangulo, layon ng pamahalaan na makita ng personal ang kalagayan ng mga magsasaka upang lubos na maunawaan ang pangangailangan ng mga ito at agarang mabigyan ng solusyon.
Iniulat din ng Pangulo na tinatayang nasa mahigit ₱70-milyon na ang naiabot na tulong para sa buong rehiyon ng Northern Mindanao simula noong taong 2022.| ulat ni Sharif Timhar| RP1 Iligan