Patuloy pa ang panghihikayat ng Philippine Statistics Office sa publiko na magparehistro para sa Philippine Identification System (PhilSys).
Umapela din ang PSA sa mga magulang na irehistro ang kanilang mga anak, isa hanggang apat na taong gulang (1-4) ang edad.
Kahapon, nagsagawa ng Rehistro Bulilit – National ID Registration ang PSA Provincial Statistical Office Rizal.
Kamakailan, apat na bayan sa probinsya ng Quirino ang pinuntahan ng PSA Provincial Statistical Office Quirino upang mairehistro sa National ID ang mga bata.
Kasama sa mga napuntahan ang mga komunidad sa bayan ng Saguday, Nagtipunan, Aglipay at Maddela.
Hanggang Hunyo 21, 2024, nasa 88,233,988 Pilipino ang matagumpay na nakapag rehistro sa National ID system.
Abot na sa 52,119,119 National IDs ang nai-deliver sa mga nagparehistro habang 45,682,762 printed ePhilIDs ang naipagkaloob na rin.| ulat ni Rey Ferrer