Positibo ang pagtanggap ni BHW party-list Rep. Angelica Natasha Co na sa wakas ay nailabas na ng DBM ang pondo para sa health emergency allowance benefit ng mga healthcare worker na nagsilbi noong pandemya.
Aniya matagal na itong hinihintay ng mga healthcare workers, kung saan kabilang ang mga barangay health workers.
Kasabay nito, pinayuhan ni Co ang mga BHW federation at local chapter ng BHW party-list na tulungan ang mga BHW sa paghahanda ng kinakailangang documentation para makuha naturang benefit claims.
Inaasahan aniya na abutin pa ng isang buwan bago tuluyang makuha ng mga HCW ang kanilang benepisyo dahil ida-download pa ito sa mga regional offices.
July 5 nang ilabas ng DBM ang nasa P27 billion na pondo bilang kabayaran sa nalalabing health emergency claims ng mga HCW na nagtrabaho noong kasagsagan ng COVID-19 pandemic.| ulat ni Kathleen Forbes