Nakikipagtulungan ang Office of the Presidential Adviser for Peace Reconcilation and Unity (OPAPRU) sa iba’t ibang institusyong pang-edukasyon para maisama sa “curriculum” ang “peace education.”
Ayon kay Presidential Peace Adviser Secretary Carlito Galvez Jr., ang “peace education” ang pundasyon ng lahat ng lipunan.
Ito ang binigyang-diin ng kalihim sa kanyang mensahe sa ika-45 Commencement Exercise ng Mindanao State University – General Santos City noong Biyernes.
Ang MSU ang isa sa mga pangunahing “partner” ng OPAPRU sa implementasyon ng “Transformation Program for former Moro National Liberation Front (MNLF) combatants” at iba pang inisyatiba para palaganapin ang “peace education” sa mga kolehiyo at unibersidad.
Sinabi ni Sec. Galvez na sa pagpapahalaga ng MSU sa “peace education” inaasahan niya na ang mga bagong-graduate ay nabigyan ng akmang kakayahan para positibong makapag-ambag sa kani-kanilang mga komunidad. | ulat ni Leo Sarne
📸: OPAPRU
