Isinanlang lupa. Ito ang tinitingnang motibo ng pulisya sa pagpatay sa Kapampangan beauty queen na si Geneva Lopez at nobyong Israeli national na si Yitzhak Cohen.
Ayon kay Criminal Investigation and Detection Group (CIDG) Chief Major General Leo Francisco,
binabawi na ng suspek ang isinanlang lupa kay Lopez dahil mayroon nang bibili.
At nang kitain ang buyer, dito na umano binaril ng dalawang dating pulis ang magkasintahan sa loob ng sasakyan na kapwa nagtamo ng tig-dalawang tama ng bala.
Matatatandaang nahukay sa quarry site sa Bgy. Sta. Lucia, Capas, Tarlac ang mga bangkay ng nawawalang Kapampangan beauty queen at kasintahang Israeli national noong Sabado ng umaga. | ulat ni Diane Lear
