Walang nakikitang problema si Pangulong Ferdinand R. Marcos Jr. kung mula man ang P10 milyong pisong pabuya sa pribadong sektor para sa ikadarakip ng nagtatagong Kingdom of Jesus Christ Pastor Apollo Quiboloy.
Sa ambush interview kay Pangulong Marcos sa Upper Wawa Dam impounding process ceremony, sinabi ng niya na itinuturing na “pugante” ngayon ang Pastor.
“Bakit hindi?” tanong ng Pangulo kung mag- ambag man ang private sector sa reward money na nakapatong ngayon sa ulo ng tinaguriang “son of god” lalot ang estado na ngayon ng Pastor ay isang fugitive.
Hamon ng Pangulo kay Quiboloy, harapin na lang ang asunto at sumunod sa itinatakda ng batas. | ulat ni Alvin Baltazar
