Isang sunog ang sumiklab sa BSA Twin Towers sa Brgy. Wack-Wack, Mandaluyong City bandang alas-12 ng tanghali.
Mabilis na rumesponde ang Bureau of Fire Protection (BFP) Mandaluyong at itinaas sa unang alarma ang sunog.
Ayon sa BFP-Mandaluyong, alas-12:20 ng tanghali nakontrol ang sunog pero hindi pa rin idinedeklarang fire-out dahil sa makapal na usok na nagmumula sa basement parking kung saan pinaniniwalaang nagsimula ang apoy.
Pansamantalang pinalikas ang mga guest ng hotel at commercial building habang patuloy na inaalam ng BFP ang sanhi ng sunog.
Tuluyan namang naapula ang sunog pasado ala-1 ng hapon. | ulat ni Diane Lear
