Tiniyak ng Philippine Institute of Volcanology and Seismology (Phivolcs) na walang banta ng tsunami sa Pilipinas kasunod ng magnitude 7.4 na lindol na tumama sa Chile.
Ayon sa Phivolcs, wala silang na-detect na tsunami threat sa kabila ng malakas na pagyanig na naganap sa Chile.
Ang magnitude 7.4 na lindol ay tumama sa Chile bandang alas-9:51 kaninang umaga.
Ang tsunami ay serye ng malalaking alon sa dagat na dulot ng “undersea earthquakes.” Ang alon na dulot ng tsunami ay maaaring umabot ng 5 metro. | ulat ni Diane Lear
