Bukas si Senador Nancy Binay na sumunod sa rules ng Senate Committee on Ethics kaugnay ng inihain niyang Ethics Complaint laban kay Senador Alan Peter Cayetano.
Ayon kay Binay, kung kailangang magkaroon ng Conciliation Meeting bilang bahagi ng proseso ay nakahanda siyang sumunod.
Bukas rin naman ang kanyang pinto para sa pagkakaayos nila ni Cayetano.
Matatandaang nag-ugat ang tensyon sa pagitan nina Binay at Cayetano sa pagdinig ng konstruksyon ng bagong gusali ng Senado sa Taguig City.
Partikular na sa halaga ng konstruksyon ng gusali.
Una nang sinabi ni Senate Ethics Committee Chairperson Senador Francis Tolentino na magsasagawa muna sila ng conciliation meeting sa pagitan nina Binay at Cayetano kasama ang iba pang miyembro ng Ethics Committee.
Kung hindi aniya magkakasundo ang dalawang senador ay saka pa lang magkakasa ng pagdinig ang Ethics Committee tungkol sa Ethics Complaint. | ulat ni Nimfa Mae Asuncion
