Muling pagtitibayin ng Pilipinas at Amerika ang relasyon ng dalawang bansa sa gitna ng mga hamong kinahaharap partikular na sa rehiyon ng Indo-Pasipiko.
Ito’y sa ika-4 na 2+2 Ministerial Consultations na isasagawa sa Kampo Aguinaldo ngayong araw.
Partikular na haharap sa pagpupulong sina Defense Secretary Gilberto Teodoro Jr, Foreign Affairs Secretary Enrique Manalo sa panig ng Piliipinas
Habang sina United States Defense Secretary Lloyd Austin III at US Secretary of State Antony Blinken naman ang haharap sa panig ng Amerika.
Dito, tatalakayin ang mga usaping may kinalaman sa mga banta sa rehiyon mapa-lupa, tubig, himpapawid, gayundin sa cyberspace, at kung paano ito matutugunan.
Inaasahan ding tatalakyin dito ang mga pinakahuling sitwasyon sa West Philippine Sea, partikular na ang mga mapangahas at mapaghamong hakbang ng China sa katubigang sakop ng Pilipinas.
Magugunitang isinagawa ang ikatlong 2+2 Ministerial Consultataion sa Washington D.C. noong isang taon kung saan, pinagtibay ang committment ng Pilipinas at Amerika na i-modernisa ang kanilang alyansa. | ulat ni Jaymark Dagala
