Hindi na nagpapakawala ng tubig sa ngayon ang Ambuklao Dam at Binga Dam sa Benguet.
Sa datos ng PAGASA Hydrometreology, as of 8am, ay nasa 751.24 meters ang lebel ng tubig sa Ambuklao Dam na mas mababa na sa 752 meters na high water level nito.
Gayundin ang Binga Dam na bumaba na sa 574.28 meters ang water elevation.
Patuloy namang nadaragdagan ang lebel ng tubig sa Angat Dam na pinagmumulan ng 90% ng suplay ng tubig sa Metro Manila.
Umakyat pa sa 187.45 meters ang lebel ng tubig sa Angat matapos madagdagan ng 35 sentimetro. | ulat ni Merry Ann Bastasa
