Nagpaabot ng pagbati ang Philippine Olympic Committee sa pagkapanalo ng dalawang gintong medalya ni Carlos Yulo sa Paris 2024 Olympics.
Sa isang kalatas, sinabi ng POC na dahil sa pagkapanalong ito ni Yulo, naukit na ang pangalan nito sa kasaysayan.
Dahil din anila rito, maituturing nang nagsimula ang “Golden Chapter sa Philippine Gymnastics.”
Bukod kasi sa Men’s Floor Exercise, itinanghal ding kampeon din si Yulo sa Men’s Vault.
Dadag pa ng POC, hindi lang ginto ang nauwi ni Yulo kundi nagtakda rin siya ng mataas na pamantayan sa gymnastics sa bansa. | ulat ni Jaymark Dagala
