Abiso sa mga motorista, inanunsyo ng Pamahalaang Lungsod ng Pasig City na simula ngayong August 4, at sa bawat weekend hanggang August 25, pansamantalang isasara ang Oranbo Drive sa Pasig City.
Ito ay upang magbigay daan sa mga aktibidad para sa pagdiriwang ng Araw ng Oranbo.
Batay sa abiso, ito ay isasara sa mga araw ng August 4, 10, 11, 18, 24, at 25, 2025 simula alas-6:00 ng umaga.
Pinapayuhan ang lahat na planuhin ang kanilang mga biyahe at gumamit ng mga alternatibong ruta upang maiwasan ang abala.
Para sa karagdagang impormasyon, maaaring makipag-ugnayan sa Pasig City Hall o sa inyong barangay. | ulat ni Diane Lear
