Ibinalik na ng Light Rail Manila Corporation (LRMC) ang full operations ng Light Rail Transit (LRT) Line 1 mula Fernando Poe Jr. Station sa Quezon City patungong Baclaran sa Parañaque City.
Ito’y matapos magpatupad ang LRMC ng limitadong operasyon mula Baclaran hanggang Monumento dahil sa nangyaring aberya mag-a-alas-5 ng umaga kanina.
Ayon sa pamunuan ng LRMC, nagkaroon ng “technical fault” sa bahagi ng Balintawak Station ng LRT-1 kaya’t agad naman itong tinugunan ng kanilang mga tauhan. | ulat ni Jaymark Dagala
