Pormal na iniluklok sa pwesto ni Philippine Army Chief Lieutenant General Roy Galido bilang bagong Commander ng 9th Infantry “Spear” Division si Major General Noe Alberto Peñafiel, sa Change of Command Ceremony kahapon sa Camp Elias Angeles, San Jose, Pili, Camarines Sur.
Pinalitan ni Maj. Gen. Peñafiel si Maj. Gen. Adonis Bajao na nagretiro sa serbisyo matapos ang 39 na taon sa militar.
Si Maj. Gen. Peñafiel, miyembro ng Philippine Military Academy (PMA) “Sambisig” Class of 1991, ang dating Armed Forces of the Philippines (AFP) Internal Auditor.
Sa kanyang mensahe, hinikayat ni Lt. Gen. Galido ang mga tropa ng “Spear” Division na patuloy na bigyang prayoridad ang mga pambansang programa na naglalayong isulong ang interes ng bansa; at manatiling matalas, tumpak sa pagkilos, propesyonal sa pagseserbisyo, at nagkakaisa sa bisyon ng isang “Bagong Pilipinas.” | ulat ni Leo Sarne
📸: SSg Cesar Lopez, OACPA
